1 Nous, Pierre Fournyer et Pierre Rouset, maystres /

2 chirurgiens de la present ville, serions estés appellés /

3 pour visiter et panser maystre Jehan Chatard, procureur /

4 au siege presidiaulx en la present ville, assavoeur de /

5 deux playes et plusieurs contusions qu’il avoyt sur /

6 son corps et mesmes une grand playe qu’il avoyt au /

7 thorax et du costé senestre, laquelle playe estoyt /

8 de grandeur de quatre ou cinq doits, penetrant jusques /

9 au[x] costes et a l’os nommé fourcelles ou clefz ; aucy luy /

10 arions trouvé une aultre playe en son col qui /

11 penetroyt cuyr et cher musculeuze, nerfz, veynes, artheres /

12 et jusques alla nuque et mesmement la veyne appellee /

13 jugulayre, coupé a travers tellement qu’il ne estoyt /

14 posible de enpecher le grand flus de sanc que sortoyt /

15 de la dicte veyne par mediquemens ny an aucune sorte /

16 que ne se fit grande suffusion par tout son corps et /

17 mesmes sur les poulmons, que seroyt esté la seulle /

18 cause qu’il a esté sufoqué. Disons que pour rayson

19 des dictes playes et contusions le dit Chatard en /

20 seroyt mort. De se atestons ses choses estre veritables. /

21 Faict a Perigueulx le cinquiesme febvrier 1563

P. Rousset P. Fournier chirurgien

AD Dordogne, 2 E 353

Justice et prisons

Niveau intermédiaire ** - Prisons de Périgueux, 1557 (1/3)