Sommation par Jeanne Riboullet à son beau-père pour le versement d’une pension alimentaire pour ses enfants, 1627

1 Ce jourd’huy, vingt huictiesme du moys de decembre mil six cens vingt /

2 et sept au village de Palus, parroisse de Touscane en Perigord, heure /

3 aprés mydy, par devant moy notaire soubzsigné et es presences des tesmoins bas nommés /

4 a estee presente en sa personne Jehane Riboullet veufve a feu Leonard de Palus /

5 habitante du village du Claud, parroisse de Douchapt aud. Perigord, laquelle /

6 parlant alla personne [d’] Estienne de Palus dict Cuyzinier, son beau-pere, luy a dict et remonstré /

7 que led. Estiene, pere dud. feu Leonard, traictant le mariage d’entre elle et /

8 led. feu Leonard son filz, pour suporter les charges d’icelluy il auroict balhié /

9 a sond. filz une quatriesme partie de ses biens par contrat du dix septiesme janvier /

10 mil six cens dix et despuis led. Leonard seroict decedé, ayant laissé sur les /

11 bras de lad. Riboullet des enffens et filhes en nombre de quatre, ausquelz led. /

12 Estiene ne balhie aulcune conduicte, soict pour leur nourriture ou autrement, /

13 tellement que lad. Riboullet et sesd. enffens sont reduitz a une grande et extreme /

14 necessité ; au moyen de quoy, et affin qu’il ne ce perdent de faim elle a sommé /

15 et somme par des presentes led. Estiene de Palus, leur grand père, de prandre en sa /

16 charge lesd. pettis enffens pour iceux nourrir, sy mieux il n’ayme leur balher /

17 jusques apres son deceps une pantion et alimens a l’ordonnance de proches parants /

18 et heu esgard au nombre de ses autres enffens et de ses biens et facultés, comme /

19 aussy a sommé et somme led. Estiene de Palus de luy payer la somme de quarante /

20 livres portee par led. contrat de mariage pour son uscle et agenssement ; autrement, /

21 affaulte de ce faire, proteste contre led. Estiene de Palus de tout despens, dommage /

22 et interestz et de ce pourvoir ainsin qu’elle verra estre affere par raison ; lequel /

23 Estiene de Palus a faict responce qu’il ne veult prendre la charge desd. /

24 enffens et qu’il n’a moyen de quoy les nourrir estant dans son lict mallade, /

25 y ayant demeuré longtemps et de plus qu’il n’a moyen de payer lad. somme /

26 de quarante livres d’uscle et qu’elle attande apres son deceptz dont et

27 de laquelle sommation et responce lad. Jehane Riboullez nous a requis acte /

28 pour luy servir en temps et lieu que de raison ce que luy ay concedé soubz le /

29 seel royal par moy juré d’icelluy. Faict es presences de Geraud de /

30 Palus, dict Rousseau, habitant du village dud. Pallus et de Meric /

31 Magost, fils de Pingot habitant du Molin de Brestel, parroisse de

32 Montagrier tesmoins cogneus et ad ce par moy appellés et requis qui n’ont signé /

de ce faire enquis ny lesd. parties

Delabonne, notaire royal

AD Dordogne, 3 E 818

Famille et société

Contrat de mariage, 1601,1/2. (3 E 2600) **