9 may 1464

Homage de

Moneis et La

Chapelle dans

Montignac

1 Alain de Lebret, seigneur de Rions, comte de Pantievre

2 (et) de Perigord, vicomte de Lymoges (et) seigneur d’Avesnes,

3 a tous ceux q(ui) ces p(rese)ntes lettres verront salut. Sçavoir

4 faisons q(ue) nostre cher (et) bien amé Jean de Laservenere,

5 escuyer, nous a aujourd’huy faict les foy, hommage lige

6 et serem(ent) de feaulté qu’il nous doibt (et) est tenu de f(air)e a cause

7 de son hostel de la Ray Mondye assis a Montignac ; item plus

8 d’un au(tr)e hostel, quelle nommé de La Chapelle, assis aud. lieu ;

9 item (et) plus (et) d’un au(tr)e hostel en la parr(oiss)e de Fallac nommé

10 l’hostel d’Auberoce, avec toutes leurs apartenances (et) dependances

11 q(ue)lconques, le tout assis en nostre ville (et) chastelenie de

12 Montignac, (et) generalem(ent) de tout ce q(u’i)l tient mouvans

13 de nous en nostred. comté de Perigord (et) chast(elle)nie de

14 Montignac, ausquelz foy (et) hommage ou [blanc] dessusd.

15 et pour m(essir)e Jean de Lebret vicomte de Tartas avons

16 receu sauf nostre droit (et) l’autruy. Sy donnons en

17 mandement a noz améz (et) feaux les seneschal (et) au(tres)

18 officiers (et) justiciers de nostred(it) comté de Perigord (et) a cha(c)un

19 d’eux (et) comme luy apartient, q(ue) pour (et) a cause desd(its)

20 foy et hommage a nous promis (et) [au cas que] lesd(its) chefz ou

21 aucunes d’icelle estoient prises, saisies, arrestées ou

22 empeschées, en nostre main incontinant (et) sans delay

23 les mettiés ou faciés mettre a pleine delivrance (et) led(it)

24 [blanc] en souffrance (et) laissiés jouir (et) uzer plainem(ent)

25 (et) paisiblem(ent). Car tel est nostre plaisir. Donné

26 a Montignac le neuf(viesme) jour de may l’an mil quatre

27 cens soixante quatre.

AD Dordogne, 2 E 1828/14 p. 13

(tr. Lylian Duclaud)

Vie politique

Niveau débutant * (1/2) - Hommage rendu à Alain d'Albret pour des biens dans la chatellenie de Montignac, 1464. 2 E 1828/14 p.13