Droit des barils de vin à Thiviers, 1602

(4 E 138-1) Droit des barils de vin passé à Thiviers en 1602.Jpg

Thiviers, perception du droit des barils du vin, 1602

 Droictz des barilz du

vin

 1     Nous soubz signés consulz recteurs et vigiers

2     de la ville (et) presvoté de Thiviers, certifions a tous

3     qu’il apartiendra avoir prins (et) resceu de m(aistr)e

4     Anthoyne Reynaud lieutenant de Roussaeil (et)

5     notaire (et) procureur postullant de la ville de

6     Thiviers le baril du vin qu’il nous doit pour

7     avoir espouzé Leonarde Vigier, veufve, lequel

8     droict nous avons acoustumé prandre (et) lever

9     sur ceulx qui espouzent femmes veufves en lad(ite)

10   paroisse, duquel droict le quitons (et) luy avons

11   bailhé acquit, a Thiviers le jour S(ain)t Jean Baptiste

12   le vingt quatriesme juing mil six cens deulx ;

 13   Plus avons resseu pour ledit droict de Fourthou

14   Audebert teyxier du village des Bruzatz six pintes

15   vin (et) deulx pains (et) l’avons quité a cause de sa povreté ;

 16   Plus avons resceu pour ledit droict de Piere

17   Daniel, du village de Puypellou au(trem)ent de Mouchapt,

18   cinq solz a cause de sa pauvreté l’avons quité ;

 19   Plus avons resceu de Jehan Gandilh filz de Piere

20   diit Janticoeur ledit droict du baril du vin

21   lequel en a payé for peu a cause de sa pauvreté ;

 22   Lesquelz droictz sont estés beus en  la place

23   publique dud(it) Thiviers le jour S(ain)t Jehan Babtiste

24   comme on a acoustumé faire, en la presance de tous

25   les habitans dud(it) Thiviers (et) en ont beu ceulx

26   qui en ont voulu boyre a issue de vespres.

 27   Faict par nous maistres Guischard Vigier

28   Guilhaume Bastier  Piere Boubon (et) Charles Bastide

29   consulz en lad(ite) année.

  Vigier (con)sul            Bastier consul

 Boubon consul                          Bastide consul

 4 E 138-1

(transcription : L. Duclaud)