Travaux et problèmes de voisinage, 1600 (2)

Oeuvre_nouvelle_2.jpg

faire ung grand trou et ouverture en la /

murailhe de lad. basse court appartenent a lad. /

Yzalbert, le tout clandestinement et contre le /

gré d’icelle Yzalbert ; pour raizon de quoy /

elle a anoncé œuvre nouvelle tant /

contre lad. damoyzelle André prinze en /

quallité de mere et legitime administraresse /

de ses enfans et dud. feu, que contre / Helyot Vigier, dict Mignon, maistre masson qui /

travailhoist a lad. bezounye et en singne /

de ce, leur a getté troys pierres et /

inhibé de ne passer oultre et proteste /

contre eux de tous despans, dommages et /

interestz faictz et a souffrir et sauf /

a lad. Yzalbert de se pouvoir pourvoir /

de ses remedes possessoires et autrement, /

ainsin qu’elle verra estre a faire ; laquelle /

damoyzelle André a faict responce qu’elle /

se gouvernera aud. affere par conseilh et /

a faict cesser lad. bezounye aud. Vigier /

et lequel Vigier a dict qu’il ne poursuivra /

plus led. travailh que les parties ne soyent /

autrement d’accord et s’en est allé. Dont

et du tout a esté aux parties ce requerantz /

faict et concedé acte soubz lez scel royal, ez

presences de monsieur maistre Raymond Varrailhon, advocat /

en parlement, et François Passerieu, courdonnier, /

habitantz de lad. ville, led. Varrailhon a singné

et non les autres pour ne sçavoir de ce interpellés.

 

Varailhon present

P. Magot notaire royal

 

AD Dordogne, 3 E 1255