Location du jeu de paume de Périgueux, 1605 (2)

AS13283_1239_0006-recadre-gauche.jpg

tous despans, dommaiges et interestz, sans

aulcune diminuation du louaige cy dessoubz escript

ny sans pouvoyr desduyre et preconter aulcune chose sur icelle ;

et lesd. troys ans espirés, randre lesd. jeu et

maison en mesme et pareilh estat que led. sieur

archidiacre bailha icelluy jeu et maison a louaige

aud. Egret, le quinziesme de septembre an mil six

centz, par contract par nous notaire soubzsingné receu,

sçavoyr led. jeu et maison bien couvertz, entierement

garnys de mourthier a chaux et sable, led. jeu bien

et proprement pavé , la majeur partye de

cartelaige et l’autre de grand carreau bien noyrcy,

rehaussé tout autour d’un rang d’ayctz (= planches) de chaine

avec les bordz cloués dernier (= derrière) pour les appuyer

et retenir, et garnyr icelluy jeu de filletz neuf

tout au tour d’icelluy, pour empescher de sortir

et garder de perdre les balles, descendans

iceux filletz despuys la couvrerture dud. jeu, jusques

par dessoubz une petite gallerye de boys estant tout

autour d’icelluy jeu par le dehors d’icelluy, icelle

gallerye garnye bien et deuhement de boys et ayctz

de chastanier, la gallerye basse, autrement le couroir,

bien carrellé, la pectite murailhe y jouigniant,

autrement appellée l’accoudoir, bien dressée, faicte de

cartelaige bien accommodée, massonnée et noyrcye

comme aussy tout le restant dud. jeu, les rabats

d’icelluy garnys de bons ayctz bien noyrcys,

la maison bien planchée d’ayctz joinctz a double junct,

les deux chambres d’icelle maison bien quarellée, garnyes

de fenestres bien fermant a carrouilh et les portes

doubles fermant a clef et les boutiques et dernier dud.

 

[page suivante] jeu planchés d’ayctz…

AD Dordogne, 3 E 1402