Location du jeu de paume de Périgueux, 1605 (1)

AS13283_1239_0005.Jpg

Sachent tous qu’il appartiendra que en la ville de

Perigueux, et maison de monsieur maistre Françoys Arnault

de la Borie, chanoyne et archidiacre de Perigueux, heure

avant midy, du neufviesme feubvrier mil six cens

cinq, par devant moy, notaire royal soubzsingné, et en presence des

tesmoingtz bas nommés et escriptz, a esté personnellement

constitué led. sieur Françoys Arnault, archidiacre,

lequel, de son gré et liberalle vollonté, a affermé et

loué, comme par ses presentes loue et afferme,

a Jehan Egret, maistre paulmier et Michelle Graviaou,

conjoinctz, habitantz de present en la present ville, lad. Graviaou

faisant du congé et licence et authorité dud. Egret, son

mary, qui l’a deuhement authorizee, y presentz, stipullantz

et aceptantz, sçavoyr est, le jeu de paulme, petite

maison et aysines y jouignans, desdyés pour le service

d’icelluy et aud. sieur appartenant, le tout siz et situé

dans la present ville et rues appellees de las Plassas,

confrontant avec la rue jouignant les murailhes de la

present ville, allant dud. jeu au college, et avec autres

maisons, jardrin et aysines appartenant aud. sieur

de la Borie, lad. maison size en la rue de las Fargas

et ce, pour le temps et espace de troys annees

prochaines et concecutifves, a commencer de ce jour d’huy

et finissant a mesme jour lesd. troys ans passés

et revolluz, et ce o les pactes et condictions

entre eux accordees, la teneur desquelles s’ensuyct :

Sçavoyr est que lesd. Egret et Graniaou conjoinctz

seront tenuz, comme ilz ont promys et promectent par

ses presentes, de bien et deuhement gouverner led. jeu

de paulme et maison et aysines d’icelluy, comme ung

bon père de famille et entretectenir le tout a

leurs despans de toutes repparations y requizes et necesseres

pendant et durant le susd. temps,  a peyne de