Election des consuls de Lalinde, 1535 (2)

Election_consulat_ Lalinde_1534_2.jpg

acte de ce . Et apres ce par le commandement dud. maistre /

Raymond Taxenc et du consantement desd. Daguet /

et maistre Stienne Maceroze par moy greffier soubz /

signé suyvant le susd. felhiet de pappier /

ont esté appellés en consulz pour l’annee /

prochaine ceulx qui s’ensuyvent. Premierement, maistre /

Jehan Taxenc, George Du Cros, Jehan Censolz, /

Johandy Maceroze, Bertrand La Borie et /

Leonard La Fulhac, desquelx ont compareu / lesd.

Maistre Jehan Taxenc, Johandy Maceroze /

et la Fulhac qui ont presté et faict /

le serment solempnellement sur le Te igitur /

et croix comme est de coustume d’estre bons et  /

loyaulx en leur office et regir et gouverner /

les habitans comme bons consulz et a esté dict /

et ordonné par led. maistre Raymond Taxenc /

et les que les aultres consulz nouvellement /

esleuz absans d’illec viendront prester le serment  /

a sammedy prochain a poine de vingt livres  / 

tournois et aussi illec a la manière acoustumée /

une partie desd. habitans estans ensemble /

lesd. Daguet, Maceroze et Laborie ont faict /

et presté le serment solemnellement de obeyr, donner /

conseilh et ayde ausd. consulz nouvellement esleuz. Faict  /

a La Linde, lesd. jour, moys et an que /

dessus, presens ad ce Leonnard Crozete, maistre Anthoine /

Barraud et plusieurs aultres ; et illec led. Maistre Raymond  /

Taxenc comme lieutenant de monseigneur le bayly a confirmés lesd.

consulz.  /

 

Le cinquiesme jour de fevrier mil VC XXXIIII, par devant /

monseigneur le lieutenant, maistre Raymond Taxenc, bachelier en  /

droictz, Bertrand La Borie et Jehan Censolz ont presté /

le serement sur les Sainctz Dieu Evangilles d’estre bons / 

et loyaulx en l’office de consul, presens maistres Jacques /

Maceroze et Anthoine Bertrand.  /

 

La Veyrie

 

[dans la marge] 

Soit mémoire que led.  /

George du Cros, led. an et année presente /

ne voulsist point acepté /

le present consulat, ne l’essersa poinct ne s’en  /

maila en rien. Ne jura,  /

ne fist aulcun serement.  / 

Taxenc consuls premier /

la present année /

 

AD Dordogne, IV E 66-3 fol. 125