Election des consuls de Lalinde, 1535 (1)

Election_consulat_ Lalinde_1534_1.Jpg

Aujourd’huy segond jour de fevrier mil cinq /

cens trente quatre, maistre Raymond Taxenc, bachelier /

ez droictz, Stienne Daguet, Françoys La Borie, Gerault /

Archier, maistre Stienne Maceroze et Bernard Poiol, consulz /

de la ville et jurisdiction royalle de La Linde /

 l’annee passee, commensant mil cinq cens trente troys et /

finissant trente quatre, estans tous assiz en et /

au dedans la halle de lad. Linde, chascun le chapeyron /

moytié rouge moytié noir sur l’espaule senestre, /

a la maniere acoustumee du consulat de lad. /

Linde, et estans aussi illec a l’entour d’eulx /

a la maniere acoustumee une grand partie des /

habitans de lad. Linde et jurisdition d’icelle, led. /

maistre Raymond Taxenc, premier consul, a desduyct et narré /

a haulte voix comment la present ville et jurisdiction et habitans /

d’icelle ville et jurisdiction ont de beaulx et singuliers /

previllieges ; mesmement ont iceulx habitans previlliege /

chascun an, tel jour comme est le present de la /

Puriffication Nostre Dame, de eslire, fere et creer

par les six consulz avec Monseigneur le bayly ou son lieutenant /

aultres six consulz prodhommes catholicques et justes, /

pour regir et gouverner la communeaulté et afferes /

desd. habitans. A ceste cause, led. Taxenc premier /

consul a dict que suyvant led. previlliege ilz avoyent /

faict leur election comme est contenu en ung feulhet /

de papier qu’il a mys ou faict mectre entre /

les mains de moy, greffier soubz signé affin de les /

appeller nom par nom comme est de coustume.  

[renvoi en bas de page : Et premierement a esté nommé maistre Jehan Taxenc premier consul, faict comme dessus ] mais /

sur ce, le susd. Gerauld Archier a dict tant pour /

luy que pour les susd. Françoys Laborie et Poiol /

consulz que au reguard d’eulx ilz n’avoyent consanty ny /

ne consantent a lad. election en ce que maistre Jehan /

Taxenc est esleu et nommé premier consul ains /

avoyent esleu et nommé et eslizent et nomment /

premier consul maistre Jacques Macroze, requerent //