Serment de fidélité au roi, 1572

prestation de serment de fidélité 1572.jpg

A nosseigneurs de Parlement

Supplie humblemant Bertrand de Makanam

conselher du roy en la court, segneur de Sallegourde,

disant que dès le moys d’apvril dernier, par permission

de la court, il s’en seroit allé en sa maison de Sallegourde

au pays de Périgort pour quelques siens affaires

particuliers, ou il auroit tousjours despuis demeuré ;

et puys deulx moys ou environ, ayant entendu que

dame Anne de Makanam, sa seur, veufve de feu messire

Denis de Zainctous (= Saint-Ours) en son vivant chevalier de l’ordre du

roy et sr de Cugnac estoit malade, il s’en seroit allé

audit lieu de Cugnac pour voyr et visiter sadite seur,

ou il seroit tumbé malade d’une fievre continue,

qui en fin s’est convertie en quarte et luy a laissé

une grand langeur, par le moyen de laquelle il ne

peult bouger de long temps sans grand dangier

de sa personne, comme il appert par l’attestation des

medecins cy attachee, et ne peult par ce moyen venir en

la présent ville pour faire la proffession de serement

de fidelité suyvant les declarations faites par la

court par son arrest donné sur les lettres closes

du roy, a quoy il desire obeyr et satisfaire ;

ce consideré, il vous plaise de vos graces, pour

recepvoyr du suppliant ledit seremant et proffession de

fidellité suivant ledit arrest de la court, comettre

et depputer le premier des conseilhers de la court trouvé

sur les lieulx et vous ferés bien.

Est commis le premier des conseillers de la cour trouvé sur

les lieulx. Faict à Bourdeaux en Parlement, le XXIIIe

decembre VC LXXII

De Villeneufve

De Pontac

Brach