Nomination d'un vice-sénéchal par Charles IX

Provision_vicesénéchal_girard.jpg

Charles, par la grace de Dieu roy de France, /

a tous ceulx qui ces presentes lettres verront, salut. Par /

eedict par nous faict au present moys d’octobre, nous avons /

 pour certaines causes supprimé les estatz des prevostz de noz /

amez et feaulx les connestables et mareschaux de France /

ez provinces de Guyenne et ordonné que par nous seroyent /

commis et depputez certains gentilzhommes et gens notables /

ausdictes provinces et senneschaucees pour, soubz le nom de /

vissenneschal, exercer la mesme jurisdiction que lesdictz /

prevostz soulloyent exercer et autrement comme est contenu /

par l’eedict sur ce faict ; suyvant lequel, nous, desirans /

pourvoir aux senneschaucees de Guyenne, Xaintonge, Perigort /

et Bazas de personne suffizante et cappable pour exercer / l’estat de vissenneschal, savoir faisons que, /

pour le bon et louable rappport que faict nous a esté de la /

personne de maistre Françoys de Girard, seigneur de Halan, /

et de ses sans, suffizance, preudhomye, literature, experiance /

au faict de judicature et bonne deligence, icelluy pour ces /

causes avons commis et depputé, commettons et depputons pour /

vissenneschal esdictes senneschaucees Xainctonge, Perigort et Bazas, /

pour en icelles exercer toutes telles jurisdictions que le / prevost general y soulloyt exercer et aux gaiges de huict cens livres /

et avec telles aucthorité, honneurs, prerogatives, preheminances /

pouvoirs et puyssance pourtees par notred. eedict et d’avoir /

ung lieutenant, ung greffier et vingt archers qu’il eslira (…)

 

AD Dordogne, B 3544 p. 332