Testament de Jacques André (4)

AS11012_1053_0014.Jpg

Item a dict que Jehanot de Puicharry l’a /

servi longtemps et pour son service veult et /

ordonne qu’il soit recompencé de cinquante /

frans bordelais une foys poyés par ses hoirs /

dessoubz escriptz.

 

Item plus dict led. André testateur qu’il /

y a une petite fille nommé Marguerite du Bau, /

que l’a norrie jusques a present et n’a pere ne /

mere que bien luy fasse ; a laquelle veult /

qu’il luy soit donné de ses biens et /

donne quant elle sera preste marier la somme de /

trente frans bordelais, lit, robbes decentes poyees une foys /

par ses hoirs dessoubz escriptz et avecques / ce, lad. fille sera tenue de servir lad. Ysabeau /

de Puecharry sa femme jusques a ce que la sera /

preste a marier.

 

Item et en ce que est deu aud. André par

Jehan du Bau pere de lad. fille le luy quicte /

et donne pourveu qu’il sera tenu prier Dieu pour /

le salut de son ame et ses parens.

 

Item aussi a dict qu’il a une fillole sienne et /

sad. femme une aultre que sont filles de Vincens /

Deymier et Guillone Rossete, conjoinctz, laquelle /

Guillone Rossete et leur cuysine et a chacune /

d’elles quant se marieront veult que leur /

soit distribué de ses biens la somme de trente /

frans bordelais une fois poyés par ses hoirs dessoubz /

escriptz. Et pour ce que fere testament est /

chief de toute loy, en toutz ses aultres

biens meubles et immeubles presens et advenir a faict heretier universel /

et de sa boche propre nommé Charles André son /

filleul et nepveu, filz et Mathieu André son frere…