Testament de Jacques André (2)

AS11012_1052_0012.Jpg

Item et consequement a volu et ordenné led. testateur que /

a la huictenne de son deces soient dictes aultres /

troys cens messes et ce pour le salut de son /

ame et de ses parens et amys une foys poiees par lesd. /

heritiers dessous escriptz.

 

Item et aultre foys veult et ordonne led. testateur /

que au chief et bout de son deccès annee de sa sépulture /

soient dictes et celebrees aultres troys cens messes /

pour le salut de son ame et de sé parens une /

foys poyees par ses heretiers dessoubz escriptz /

et que chescun prebstre ara par chescune une foys / XX deniers tournois.

 

Item veult et ordonne led. André testateur /

que soient dictes et celebrees a l’eglise paroissiale Sainct Jacques de /

Bragerac pour le salut de son ame et de ses parens /

et amys a jamais et sans fin, dix messes basses toutz les ans et sans fin /

et pour icelles dire a donné et donne sur tous et /

 chescuns ses biens meubles et immeubles la somme /

de cinquante livres tournois une foys poyables par ses /

heretiers dessoubz escriptz, lesquelles messes seront /

seriatim comme les messes de Purgatoire /

incontinent aprés son deccès et par les prebstres de la communaulté.

 

Item plus veult et ordonne led. André testateur /

que soient dictes aultres dix messes au convent /

de Nostre Dame des Carmes a jamais et sans fin par les /

religieux aud. convent et pour icelles dire /

a donné et donne cinquante livres tournois poyees /

une foys par ses heretiers dessoubz escriptz de ces /

biens et ce pour le salut de son ame et de ses parens / et amys.