Testament de Jacques André, 1528 (1)

AS11012_1052_0011_recadré.jpg

Testamentum magistri Karoli André, notaire

 

Au nom de la saincte Trinité Amen. Scachent /

toutz presens et advenir etc. que aujourduy, troysiesme /

de juing mil cinq cens XXVIII, en la maison de /

maistre Charles André, regnant François etc. Personnellement /

constitué et assistant led. maistre Charles André en son /

lict, malade de son corps et de son cueur et entendement, /

saing etc. A volu que quant son ame sera separee de /

son corps que son corps soit ensevelly au convent  /

des Freres Cordeliers de Bragerac en sa chapelle de saint André. /

Item a volu et ordonné led. testateur et veult et ordonne /

que le jour que a Dieu plera de fere son commandement /

de lui, qu’il sera trespassé que soient dictes troys /

cens messes pour le salut de son ame et de ses /

parens et amys a jamais une foys poyees par ces heritiers dessous escrips.