Contrat de mariage, 1601 (2)

Mariage_Habriac-Lachau_1601_2.Jpg

et ce annee pour annee jusques afin de payement l’ung pacte /

ne cessant pour l’autre ; et aussy a promis led. Habriac a lad. Giroune /

sad. filhe, quatre brebis avec leurs aigneaulx, deulx /

robes blanches et une noyre, le tout drap de village a leur uzage, /

manchonnees de drap de bouticque, ung lict garny de coytte, /

cuyssin, couverte, et six linceulx de toilhe de boyradix, ensemble /

ung coffre, payables lesd. brebis, lict, robbes, linceulx et coffre

dans le jour de la benediction nuptialle. Aussy a esté accordé /

par pacte expres que led. Lachau expous fuctur asservera /

lad. somme de cent dix escus sur bons et compectans biens, aysin /

que lad. somme il prandra et recepvra ; davantaige a esté dict

et accordé entre lesd. partyes qu’en cas de predecez l’ung a l’autre /

et que lesd. Bernard Lachau futur expoux predecederoyt a lad. Giroune /

Habriac expouze fucture icelle aura et gaignera a cause de /

donnation pour nopces et pour uscle et agenssement la somme de vingt /

escuz faisant soixante livres tz et sur tous et chescuns sesd. biens /

et en cas pareilh de lad. Giroune /

Habriac expouze fucture predecede aud. Bernard Lachau fuctur expoux, /

icelluy gaignera aussy a cause de donnation pour nopces uscle et agenssement /

sur lesd. biens de lad. future expouze la somme de dix escuz sol / vallant trante livres que lesd. partyes ont convenu et acordé /

et acepté l’ung l’autre. Et pour l’entretenement de tous ce que dessus /

lesd. partyes ont obligé tous et chascuns leurs biens presens et advenir /

et ont renoncé a toutes renonciations deffences et cautelles qu’ilz /

pourroyent alleguer pour venyr au contraire ainsin l’ont promis /

et juré aux Sainctz Dieu Evangilles, le Livre touché. A quoy faire et /

tenyr ont esté condempnés de leurs consentemens soubz le sel des /

compte de Perigord et vicomte de Limozin. Presens maistre Hesme Plagenet, /

procureur d’office de la jurisdiction de Monsclar, Guynot Habriac, /

Pierre Personne, Lois Habriac filz aud. Tienne Habriac, Jehan /

Tocheport, habitans du village de Bugaud et le led. Tochepor du village /

du Broussilhou, Thony Lachau, tailheur, habitant dud. village de la /

Chau et Peyre du Boscq dict Rolleau habitant a present au lieu /

d’Aultefort, tesmoins. Led. Plazenet a signé et les partyes contractans et autres tesmoins ont declaré ne scavoyr signer de ce enquis.

 

Présent a ce que dessus

Hesme Plazenet Abriac presant

Sarrazanes notaire qui l’ay receu